艾歷臣爆隔離噩夢　住訓練營似難民

韓職開戰，最強資料庫、第一手資訊盡在《彩報》：

http://win.on.cc/football/　

丹麥國腳基斯甸艾歷臣今年1月離開熱刺，轉投國際米蘭，但黑氣仍然纏身，新冠肺炎爆發期間，佢無家可歸，焗住要留喺球會訓練基地進行隔離，生活似足難民。

基斯甸艾歷臣話：「我諗過去盧卡古、艾舒利楊格家中寄宿，但佢哋都有家人要照顧，同埋瞓喺人哋屋企沙發14日，亦都太耐，唔係咁方便。所以我留喺訓練基地，呢度仲有1位主管同5位工作人員，佢哋都選擇留喺基地，自我隔離，避免有機會感染家人。」

呢位28歲中場亦透露已經7星期未踢過波，平時只可以做35米折返跑，同埋根據球會嘅飲食餐單進食。基斯甸艾歷臣仲自爆有1次出街，被意大利警察查問，但因為言語不通，搞到好尷尬。