鋼門補替轟炸機！哈化柏林搵列文入董事局

韓職開戰，最強資料庫、第一手資訊盡在《彩報》：

http://win.on.cc/football/　

德甲即將重開，唔少球會都乘機重整架構，哈化柏林就正式委任德國前鋼門列文加入佢哋嘅董事局，助球會發展。

50歲嘅列文曾經喺德甲效力過史浩克04、多蒙特同埋史特加，呢位前阿仙奴門將會同埋高普及拿高斯文嘅顧問柯西克齊齊入董事局，協助哈化柏林嘅發展。列文係德國著名門神，係德國02年韓日世界盃亞軍及06年德國世界盃攞季軍嘅主要功臣，佢喺官方聲明話好期待為球會帶來更多有趣嘅項目。哈化柏林喺德甲重開之後，周六（16日）率先對住賀芬咸。

據了解列文將會負責體育事務，而柯西克就做戰略方向嘅制定，而值得一提嘅係3個月前「金色轟炸機」奇連士文先突然離開，好似話係同高層不歡而散。