多蒙特應付傷兵潮　搵青年軍頂上

韓職開戰，最強資料庫、第一手資訊盡在《彩報》：

http://win.on.cc/football/　

德甲今個星期正式復賽，一眾球員抖咗咁長時間之後，突然要應付激烈嘅季尾廝殺，唔少人都擔心會增加受傷風險。未開波已經傷兵滿營嘅多蒙特，為應付有可能會出現嘅「傷兵潮」，據報已經提拔8位青年軍球員上一隊，令一隊總人數超過30人！

據當地媒體《魯爾新聞報》報道，多蒙特近期一口氣提升8個青年軍上一隊，包括後衞倫迪、賓寧、杜明歷華拿，中場杜文、馬高賀巴同埋前鋒富列治、泰加斯，另外U19隊長巴基爾亦獲破格提拔。多蒙特對青年球員提拔向來有一手，基奧雲尼雷拿、查頓辛祖等球星都係年紀輕輕已經孭重飛，話唔定好快又會有天才新星誕生。