2個換1個！巴塞成功搶走馬天尼斯　

韓職開戰，最強資料庫、第一手資訊盡在《彩報》：

http://win.on.cc/football/　

巴塞想擸走拿達路馬天尼斯已經接近扑鎚，呢位國米前鋒可以準備去魯營，同美斯拍住上。《每日體育報》今日頭條報道，指巴塞同拿達路馬天尼斯及國米已達成協議，將會簽約四年。

據悉，巴塞以6000萬歐再加2個球員，當中包括中場維達爾及尼爾遜施美度或艾馬遜以轉會形式過檔。原則上，巴塞同國米落實維達爾，畢竟呢位智利球星巴塞之前，原本都想去國米。至於尼爾遜施美度的合約到2022年期滿，佢早已拒絕續約，所以巴塞必定要賣走佢，而艾馬遜則目前租借畀貝迪斯，到出年夏季期滿，但巴塞可以用800萬歐元提前重招佢。

巴塞搞掂咗拿達路馬天尼斯，繼續積極搵人，《世界體育報》指佢哋睇中咗熱刺嘅祖安科夫，呢位22歲阿根廷國腳喺熱刺唔太受重用，今季只踢咗７場波。