震撼價 利物浦有望平簽迪比利
20200514
東網電視
更多新聞短片
高普搞唔搞得掂迪比利?
韓職開戰，多媒體分析焦點賽事，即上《彩報》：
巴塞隆拿想賣走麻煩友奧士文尼迪比利唔係新鮮事，去年夏天利物浦曾提出斟介，但結果傾唔成。近日巴塞再為該法國新星定價，轉會費減到6000萬歐元(約5億港元)，高普可以笑住執平貨。
奧士文尼迪比利原本身價超過1.4億歐元，但佢有嚴重紀律問題，效力巴塞早期經常遲到，後期就出現各種傷患，令佢上陣機會唔多，巴塞亦對佢失去耐性，決定將佢出售，但因為身價太高冇人吼。
西班牙《馬卡報》報道，利物浦去年夏天曾向巴塞斟介迪比利，但最後都傾唔成。新冠肺炎疫情令球員身價太跌，巴塞想賣走迪比利只有一個方法，就係大平賣，報道指巴塞將迪比利轉會費減到6000萬歐元，以吸引買家。
迪比利身價，比最初已大降8000萬歐元，屬於震撼價，亦係利物浦執平貨嘅好時機，迪比利喺高普手上，又會唔會變乖？