德甲教頭擅離酒店 復賽第1擊自罰停賽
20200515
東網電視
更多新聞短片
歐洲聯賽回歸第一擊！周六晚7點德乙波琴火併海登咸《東網》免費睇：https://tv.on.cc/?section=20180006
德國球壇望穿秋火終於等到德甲重開，不過奧格斯堡新任教練靴列治就犯下低級錯誤，搞到自己無緣喺周六復賽第1擊領軍！
德甲球會喺復賽前要先去酒店進行隔離，但奧格斯堡教練靴列治就被發現，曾經離開酒店去附近買牙膏，靴列治賽前就發聲明認錯：「雖然我離開酒店後仍然做足所有衞生措施，但我仍然彌補唔到呢個錯誤，未有為球隊同公眾做好榜樣，所以我會為自己嘅錯誤負責，星期五(15號)嘅操練同星期六(16號)嘅聯賽我都唔會出席。」靴列治仲話佢當時因為冇牙膏，所以先會去附近超級市場購買。
靴列治喺3月10號先至接掌奧格斯堡，但係1場波都未帶過就遇上停擺，估唔到復賽第1擊主場對禾夫斯堡前又「出事」。
集多媒體分析、最強資料庫及第一手資訊於一身，即上《彩報》：