奧連特波衫贊助曝光 係哈利卡尼呀！
20200515
東網電視
更多新聞短片
集多媒體分析、最強資料庫及第一手資訊於一身，即上《彩報》：
英乙球會奧連特宣布，球隊已經成功物色到2020/21球季嘅波衫主要贊助商，最特別嘅係「金主」並唔係乜嘢商業機構，而係英格蘭國腳哈利卡尼！
哈利卡尼喺熱刺青訓出身後，第1間外借嘅球會就係奧連特(2011年)，亦係佢職業生涯嘅起點，今次佢以大約10萬英鎊贊助費，贊助奧連特波衫胸口1年，計劃已經得到英格蘭足總同聯賽會批准，新波衫設計亦都已經曝光。
大家唔使擔心，奧連特件波衫胸口並唔係印上哈利卡尼個樣或者名，而係一啲慈善宣傳。奧運特主場波衫會印上多謝前線醫護一員嘅訊息，作客同第2作客波衫就會印上兩間由哈利卡尼支持嘅慈善機構。哈利卡尼表示：「我喺奧連特主場冇幾遠嘅地方出世，佢哋亦係畀我第次職業足球滋味嘅球會，可以回饋佢哋令我開心。」