帕爾馬2球員中招　意甲周一照復集訓

集多媒體分析、最強資料庫及第一手資訊於一身，即上《彩報》：

https://win.on.cc/football/video.html　

意甲周一(18日)起可以全面復操！意大利總理孔特周六表示放寬限制，不過，目前仍未能確定復賽日期，而賽會與球會則希望可以喺6月13日開波。同日，帕爾馬宣布，有2名球員確診新肺炎。

意大利嘅疫情稍為放緩，孔特周六則表示：「5月18日起部份商店、髮型屋、美容院、酒吧食肆、足球隊團體操練及博物館都可以重開，但仍然遵守防疫措施及限制。」呢個將會係自3月9日叫停之後，球會首次復操。意甲賽會日前進行復賽日期嘅投票，有16間球會偏向6月13日，而有4間球會則投6月20日重開。

不過，帕爾馬周六亦發出聲明，表示為約60名職球員早前進行了新冠肺炎嘅檢測，結果有2位球員在第一次檢驗中結果呈陽性，24小時後作第二次檢驗則呈陰性，二人都無病徵，現已隔離，球會未有透露球員名字。球隊會為其他球員再一次做檢測，如無意外周一都會恢復訓練。

講番意甲停擺前嘅形勢，祖雲達斯暫以63分排榜首，1分領先拉素。