德甲多「夏神」！巴塞用3人+錢買夏維斯
20200517
東網電視
更多新聞短片
(Getty Images)
集多媒體分析、最強資料庫及第一手資訊於一身，即上《彩報》：
德甲多「夏神」！除咗剛為多蒙特入波嘅艾寧夏蘭特、杜根夏薩特之外，仲有利華古遜中場夏維斯，呢位20歲德國國腳成為歐洲豪門爭奪目標，最新消息指巴塞隆拿計劃今夏，用3位球員再加現金收購夏維斯。
夏維斯上季迅速冒起，喺德甲射入17球，佢今季狀態仍然大勇，於各項賽事上陣34場入10球及8次助攻，拜仁慕尼黑、利物浦、曼聯都有意收購佢，其中利物浦主帥高普一直好欣賞呢位同胞，多次傳出要帶佢去英超。
巴塞依家都加入戰團，令爭奪戰更加激烈，巴塞率先開出條件，打算送出3位球員再加錢，希望說服到利華古遜放人。據悉，當中3位交易球員人選，可能包括右閘艾馬臣艾巴里斯杜、中堅烏姆迪迪、中場卡利斯艾蘭拿、維達爾、拿傑迪錫。
夏維斯亦承認有意去其他聯賽接受新挑戰，佢會徵求德國名宿波歷克意見，希望可以作出最好選擇。