沙維：文尼奧巴美揚都唔啱巴塞

集多媒體分析、最強資料庫及第一手資訊於一身，即上《彩報》：

https://win.on.cc/football/video.html　

巴塞隆拿在新球季會再買前鋒，目標人物有奧巴美揚同沙迪奧文尼，兩人連同穆罕默德沙拿於上季平分英超神射手獎，不過巴塞名宿沙維認為，文尼同奧巴美揚都唔適合巴塞打法，簽到都冇用。

沙推對此解釋：「文尼同奧巴美揚都係出色射手，但只限在有足夠空位之下取得入球，至於巴塞嘅打法，就要喺狹窄空間中活動，製造機會，因此上述2人唔適合巴塞。」

至於邊個先適合巴塞踢法，沙維指出：「在過往嘅巴塞，伊度奧係最完美，而現時最適合巴塞打法嘅前鋒係蘇亞雷斯。」佢仲話，巴塞要搵前鋒嘅話，有一個最佳目標：「尼馬係最佳人選，佢嘅實力排喺世界前3或前5，我曾經與尼馬同隊，佢最適合巴塞。」