屈福特球員確診 迪尼罷操陣營壯大
20200520
東網電視
更多新聞短片
集多媒體分析、最強資料庫及第一手資訊於一身，即上《彩報》：
英超20隊大規模新冠肺炎病毒測試，結果只有6人呈陽性，比率之低被視為一個「好消息」，不過6名確診人士當中，有3個係嚟自屈福特，其中更有1個係球員，屈福特隊長迪尼一向係「反復賽」嘅代表，據報經過呢次檢測之後，有更多球員加入迪尼嘅罷操陣營。
英超各隊呢兩日陸續復操，不過屈福特前鋒迪尼已經表明，唔會出席球隊周三(20號)展開嘅操練：「屈福特今個星期復操，但係我唔會加入，團隊入面只要一個人中招就出事，我唔想將病毒帶番屋企。我個仔得5個月大，佢呼吸有問題，我唔會令佢置身更危險嘅位置。」
據英國媒體《 The Athletic》報道，迪尼呢番言論之後，屈福特3人中招嘅檢測報告亦都出爐，唔少球員都即時加入迪尼嘅罷操陣營。除咗屈福特球員之外，由熱刺外借紐卡素嘅英格蘭國腳丹尼路斯，亦都宣布唔會復操：「為咗其他人嘅娛樂，要拎我嘅健康出嚟冒險？老實講我唔願意。」