屈福特確診球員：我冇出街都中招

集多媒體分析、最強資料庫及第一手資訊於一身，即上《彩報》：

https://win.on.cc/football/video.html　

英超賽會日前公布大型病毒檢測結果，有6人呈陽性反應，其中屈福特就佔咗3人，包括1名球員及2名職員，而確診球員就係後衞馬里亞柏。得知自己中招，馬里亞柏表示相驚訝，因為自己有出過街都中招，亦反映新冠肺炎嘅可怕之處。

33歲嘅馬里亞柏坦言，這段時間自己一直遵從居家令，冇四處去：「除咗獨自運動同埋陪孩子散步，我根本冇出過街，甚至冇出街食飯，通常只會叫外賣，至於去超市都係女友去，只係去過幾次。」

呢位牙買加國腳冇病徵，體能狀況良好，佢話：「實在太可怕，如果唔係接受檢測，再三詢問醫生，我根本唔知道自己已經中招。」馬里亞柏將被隔離7日，之後再接受檢測。

屈福特係英超復賽計劃中最麻煩一隊，其前鋒迪尼力主反對復賽，並宣布擺操，屈福特亦係最多人中招嘅球隊，係英超復賽嘅最大障礙。