車路士氹掂銀河唯一　續約1年

集多媒體分析、最強資料庫及第一手資訊於一身，即上《彩報》：

https://win.on.cc/football/video.html　

車路士周三(20日)宣布，與今季約滿嘅法國前鋒基奧特達成協議，續約1年，免卻基奧特在6月30日約滿後不再為球隊上陣憂慮，英超復賽可以放心派佢上陣。至於後備門將韋利卡巴尼路，同樣與會方續約1年。

今年9月將滿34歲嘅基奧特，為爭取上陣機會以入選法國國家隊出席歐洲國家盃，早有離隊打算，不過佢最終選擇留效車路士，佢話：「很高興繼續車路士嘅旅程，很期待再次上陣，期望疫情過去，在爆滿嘅史丹福橋球場作戰。」

除基奧特及韋利卡巴尼路，車路士仲有柏度洛迪古斯同埋尼高路簡迪於6月30日約滿，領隊林柏特希望同佢哋簽短期合約，以完成今個賽季，依家成功游說基奧特續約，再氹掂佢2個機會亦都提高不少。