有英超WAG持搶入境 隨時踎監

20200522
東網電視
更多新聞短片
集多媒體分析、最強資料庫及第一手資訊於一身,即上《彩報》:
熱刺球星迪利阿里早前被匪徒入屋搶劫兼打傷,令英超球員同家屬都被嚇怕,好擔心人身安全嘅問題,有一位WAG更因此非法購買武器,被警方拘捕,隨時要坐監。
據《太陽報》報道,有一位英超球員女友最近乘私人飛機出境,但返到英國被機場海關發現佢手袋裡面有電擊槍同埋伸縮棍,呢類都係非法嘅武。據悉,呢位WAG被搜出帶攻擊性武器之後,嚇到喊咗出嚟,仲話唔知呢啲武器咁嚴重。
原來擁有電擊槍喺英國係犯法,最高可被判監禁六個月,或罰款5000英鎊,而可伸縮警棍喺英國都被列為進攻型武器,禁止携帶。
事實上,自從迪利阿里遭搶劫之後,好多英超球星都加強保安,有唔少球員去買凶猛嘅警衞狗看門口。