多蒙特拒絕減價！曼聯或放棄買辛祖

集多媒體分析、最強資料庫及第一手資訊於一身，即上《彩報》：

https://win.on.cc/football/video.html　

新冠肺炎肆虐之下，好多球員要減人工之餘，身價仲大縮水，曼聯原本計劃趁機向多蒙特壓貨，「平簽」翼鋒查頓辛祖，但多蒙特拒絕減價，企硬要求1億鎊以上轉會費，令業績倒退嘅紅魔鬼面臨放棄收購呢位20歲英格蘭國腳。

曼聯一直想收購查頓辛祖，多蒙特亦答應佢，如果有球會開出「合適」轉會費，就會放走佢，呢支德甲勁旅心目中嘅「合適」轉會費達1億鎊以上。

不過，曼聯認為現時市道轉差，加上查頓辛祖將於2022年約滿，應該有減價空間，但多蒙特拒絕減價，如果冇過億鎊轉會費，寧願同查頓辛祖續約，有傳會方向佢開出19萬鎊周薪新合約。

曼聯剛公布嘅季度報告，收入下跌18.7%，負債增加到4.291億鎊，明顯受疫情拖累，睇怕無力以1億鎊買查頓辛祖。