首爾反勝浦項2連捷　半場前常入波好路

集多媒體分析、最強資料庫及第一手資訊於一身，即上《彩報》：https://win.on.cc/football/video.html　

周五晚（22日）韓職獨腳戲，FC首爾憑黃賢秀同奧斯馬巴巴各省一粒，作客以2比1反勝浦項制鐵，唔單止連贏兩仗，亦令浦項今季首嘗敗績。

上半場開波僅5分鐘，浦項嘅巴西前鋒伊祖辛高極速先拔頭籌，呢球係佢今季第2個士哥。不過首爾立即反撲，35分鐘朴主永妙傳黃賢秀扳平，下半場奧斯馬巴巴建奇功，協助首爾反勝2比1，令浦項未能用贏波，歡送即將入伍嘅沈相旼、金容奐及許榕埈。雖然浦項首度落敗，但佢哋今季入局堅快，頭3輪聯賽都係上半場先開紀錄，非常搶韁，而首爾延續上季半場前常入波嘅習慣，連埋今仗在內，今季3輪中已有2次喺上半場最後15分鐘建功，玩即場投注嘅球迷，值得留意。