拜仁慕遜爭比甲射手！佢有乜咁把炮

集多媒體分析、最強資料庫及第一手資訊於一身，即上《彩報》：

https://win.on.cc/football/video.html　

比甲腰斬之後，唔少球員可以提早準備今夏跳槽，當中最炙手可熱嘅球員，一定係真特前鋒約拿芬大衞，2支德甲勁旅拜仁慕尼黑同慕遜加柏都想簽呢位20歲加拿大新星。

約拿芬大衞接受傳媒訪問時，自稱好適合德甲比賽風格，佢話：「我冇諗過咁快就有大球會對我有興趣，我認為自己可以向前邁進一步，都係時候接受新挑戰，我要去1支可以令我發揮潛力嘅球隊，德甲最適合我，因為德甲同比甲都係注重速度及身體對抗性，好明顯德甲質量更高，競爭更激烈。」

約拿芬大衞嘅加拿大國家隊隊友艾方素戴維斯現時都係效力拜仁慕尼黑，佢認為約拿芬大衞夠實力喺拜仁立足，約拿芬大衞今季比甲上27次入18球及8次助攻，的確有料到。