卡雲尼自薦投國米 仲肯減一半人工

20200522
東網電視
更多新聞短片
(Getty Images)
集多媒體分析、最強資料庫及第一手資訊於一身,即上《彩報》:
意大利傳媒爆料,指烏拉圭射手卡雲尼主動打電話聯絡國際米蘭高層馬洛達,表明希望加盟呢支意甲勁旅,仲願意大幅減人工。
33歲嘅卡雲尼將於今夏同巴黎聖日耳門(PSG)約滿,佢以前效力過巴勒莫及拿玻里,所以想重返意甲「安享晚年」,甚至不惜減薪。
卡雲尼現時喺PSG嘅年薪達1200萬歐元,而國米隊內最高人工球員盧卡古及基斯甸艾歷臣嘅年薪為700萬歐元,估計最多亦只能畀卡雲尼呢個價,換言之佢要減薪近一半。
卡雲尼年紀唔細,冇乜議價能力,相信會接受國米嘅開價。國米教練干地都好欣賞卡雲尼,加上射手拿達路馬天尼斯可能今夏轉投巴塞隆拿,簽入自由身嘅卡雲尼,可以填補鋒線空缺。