奧斯納貝克對漢諾威　走地專家即場畀料

收看直播，請按直播ICON，或按下面鏈結：

https://tv.on.cc/sportlive/　

周六晚《東網》繼續有免費德乙直播，晚上7點開波有奧斯納貝克主場鬥漢諾威。奧斯納貝克上場逼和榜首勁旅比勒費爾德，實力唔可以睇少；漢諾威上周對特雷斯登嘅聯賽，因對手有球員確診而改期，今場係佢哋聯賽停擺完首場比賽，狀態到底回復幾多成？今場繼續有走地專家JASON同你即場分享贏錢秘訣，快啲上東網體育FB一齊傾吓波經！

集多媒體分析、最強資料庫及第一手資訊於一身，即上《彩報》：https://win.on.cc/football/video.html　

德乙周六早場爆中游搶分大戰，奧斯納貝克主場惡鬥漢諾威。闊別德乙8季嘅奧斯納貝克今季升班之後，表現尚算不過不失，但自去年12月中開始，被其他球隊摸清踢法後，已經9場不勝，漢諾威上輪因賽事延期多咗時間備戰建立默契，今場有望反客為主，平手盤捧漢諾威。（on.cc東網周六晚7時直播）

奧斯納貝克由德丙升上德乙之後，季初表垷一度讓人驚喜，開季5戰贏3場，但經過聯賽漫長球季洗禮，奧斯納貝克被列強摸清底蘊，於去年11月尾嘅3連勝，球隊一度出現升班希望之後，表現突然大幅下滑，由歇冬前一仗開始，直至上周聯賽經停擺後重開，合共9場聯賽不勝，接近5個月未開過齋。

奧斯納貝克弱勢主場曳

奧斯納貝克最大問題係防守唔掂，上述9戰只有1場能夠保持不失，總共失咗20球，即使主場出戰亦不見得特別有利，近4場聯賽主場只得1和3負，佢哋已經跌到第13位，未計周五成績，實際上同尾3嘅韋恩只得2分差距離，與其話係中游分子，實際上都係喺護級漩渦。

漢諾威上輪原本對特雷斯登，但因為對方有球員中咗新冠肺炎令球賽延期，變相令漢諾威多咗時間備戰，建立默契，要知道咁耐冇踢，球員之間都需要時間練波夾吓，今次真係益晒佢哋。漢諾威今季作客成績比主場更好，13戰6勝1和6負，作客成績排德乙第3，難得遇着主場表現麻麻嘅奧斯納貝克，漢諾威平手盤真係超級抵玩。

●渡邊年