熱刺起新球場孭巨債 還到2050年！
20200523
東網電視
更多新聞短片
集多媒體分析、最強資料庫及第一手資訊於一身，即上《彩報》：
熱刺斥巨資興建嘅全新「熱刺球場」，被譽為歐洲最現代化球場之一，亦係呢支英超球會發展嘅一大里程碑！不過風光背後，熱刺因為起呢個球場嚴重超支，孭咗一身巨債，據球會最新財政報告顯示，熱刺新球場還款額高達8.52億英鎊！
熱刺起球場除咗動用自己財政儲備外，仲向3間金融機構及銀行借錢6.37億英鎊，而利息就高達2.15億英鎊。雖然熱刺上年將超過5億債務成功轉會長期債券，部份債務最遲去到2050年，目前平均每年還款3,700萬鎊，都咪話唔甘！
原本熱刺可以透過每場主場賽事嘅收入增加嚟「填數」，但咁啱又撞正新冠肺炎疫情，嚟緊一段時間都唔會有觀眾入場，大大影響球隊預算！熱刺要真正享受到新球場帶嚟嘅財政優勢，最快都要30年之後！