夏薩特同佢唔夾 「皇馬夢」閃電玩完？
20200523
東網電視
更多新聞短片
集多媒體分析、最強資料庫及第一手資訊於一身，即上《彩報》：
皇家馬德里上年用1億歐元向車路士簽入夏薩特，實現呢位比利時球星嘅「皇馬夢」，可惜呢場夢似乎唔多順利，夏薩特今季表現差勁兼受傷患困擾，據西班牙《阿斯報》爆料，教練施丹認為夏薩特同巴西新人王雲尼斯奧斯祖利亞踢法唔夾，好可能會將其中一個踢走。
據《阿斯報》爆料，夏薩特同雲尼斯奧斯祖利亞都係施丹欣賞嘅球員，不過兩人踢法唔夾唔可以共存，今季西甲兩人就未試過一齊正選，甚至未曾同一時間喺球場上合作！夏薩特對上兩場聯賽，就係由雲尼斯奧斯祖利亞入替。
一山不能藏二虎下，19歲嘅雲尼斯奧斯祖利亞明顯係皇家馬德里未來希望，已經29歲嘅夏薩特唔單止人工高，狀態同傷患都係球會一大憂慮，如果要賣走一個，夏薩特好可能會係被犧牲嗰位。