曼聯終極方案曝光!簽硬基亞利殊

2020年05月23日 18:01
東網電視
更多新聞短片
(Getty Images)
集多媒體分析、最強資料庫及第一手資訊於一身,即上《彩報》:
曼聯視阿士東維拉中場基亞利殊為今夏頭號收購目標,但由於維拉要求8000萬鎊轉會費,令紅魔鬼有所卻步。
根據英國《曼徹斯特晚報》最新爆料,指曼聯提出新收購方案,就係列出手上5位球員畀維拉任揀,再加部份現金,希望簽到基亞利殊。
據悉,曼聯願意放出5位球員,包括連格、安達斯彭利拿、菲爾鍾斯、基斯史摩寧、馬高斯盧祖,維拉可以任揀其中1人,甚至多人,但揀得愈多人,現金轉會費就會愈少。
當中最值錢1位應該係基斯史摩寧,呢位30歲後衞今季被外借去羅馬後,表現出色,身價達2500萬鎊,維拉應該對佢有興趣。此外,如果維拉賣基亞利殊畀曼聯,就需要補充中場,可能會要埋連格、安達斯彭利拿。
一旦維拉唔接受球員作為交易條件,曼聯可能將上述5人全部出售,籌集資金收購基亞利殊,總之對呢位24歲「英超柏豪」志在必得。