好頭好尾!韋利安肯簽短約踢埋今季

2020年05月23日 19:22
東網電視
更多新聞短片
(Getty Images)
集多媒體分析、最強資料庫及第一手資訊於一身,即上《彩報》:
由於英超仍然未重開,就算復賽,都可能要踢到7月尾,甚至8月初先至收咧,令到6月30日約滿嘅球員去留成疑,包括車路士中場韋利安,呢位31歲巴西國腳透露將會簽短期合約,完成今季賽事先至離隊。
韋利安話:「目前情況比較複雜,我想要1份3年合約,但車路士只願意提供2年合約,佢哋唔會改變主意,總之我依家目標係踢完今季賽事。」
英超賽會早前宣布,准許6月30日約滿嘅球員同球會再簽1份短約,但呢份短約必須於6月23日之前簽訂,同樣將於6月30日約滿嘅曼城中場大衞施華已同意簽短約。
至於韋利安即使同車仔簽短約,仍然好大機會收咧後離隊,據悉熱刺領隊摩連奴非常欣賞呢位舊部屬,有意簽入佢。