阿仙奴全面復操　哥拉辛拿斯老婆出事

集多媒體分析、最強資料庫及第一手資訊於一身，即上《彩報》：

https://win.on.cc/football/video.html　

之前一直安排球員單獨操練嘅阿仙奴，周五(22號)終於全體回歸復操，雖然所有球員都仲要保持社交距離，不過奧巴美揚、拿卡錫迪等球星仍然笑到見牙唔見眼，早前「確診」嘅領隊阿迪達亦都首度落場督操。

不過，阿仙奴左閘哥拉辛拿斯就有啲煩惱，原來日前爆出有WAG因非法持有武器入境被捕，女主角就係哥拉辛拿斯老婆Bella！

據報Bella上星期由德國飛返英國嗰陣，被發現行李內藏有電槍而被捕，哥拉辛拿斯發言人就解釋只係一場誤會，因為Bella有合法文件批准佢喺德國攜帶，但唔知道原來喺英國唔可以，所以先冇預先申報，相信最後都可以大事化小。

哥拉辛拿斯同Bella上年同埋奧斯爾兩公婆遇上匪徒打劫，上演一幕公路大逃亡震驚英超，最後哥拉辛拿斯徒手嚇走刀匪，Bella自呢次事件之後就買定電槍旁身。