邊個法國國腳咁窮？拍賣世盃冠軍獎牌

集多媒體分析、最強資料庫及第一手資訊於一身，即上《彩報》：

https://win.on.cc/football/video.html　

美國拍賣行Julien's Auctions近日出現一個「震驚球壇」嘅成交，有人將1面2018年世界盃冠軍獎牌攞出來拍賣，結果以71,875美元(約56萬港元)成交，事件引起網民熱議，到底邊位法國國腳咁窮困，搞到要拍賣呢面珍貴獎牌呢？

法國喺上屆世界盃決賽以4:2擊敗克羅地亞，呢面冠軍獎牌屬於呢隊法國球員所擁有，問題係呢班球星個個身家豐厚，就照計唔需要拍賣獎牌維持生活。

網民有唔同睇法，有人認為呢位法國國腳可能平時太揮霍，搞到入不敷出，被迫賣獎牌。亦有覺得係投資失利輸鑊甘，所以要籌錢「補倉」。到底真相係點，可能要搵到當事人先至知。

今次拍賣會以運動為主題，其他拍賣品仲有馬納當拿嘅小保加球衣、朗拿度同美斯嘅世界盃球衣等。