夏維斯又省2粒 利華搶走慕遜3哥位

2020年05月24日 00:28
東網電視
更多新聞短片
夏維斯(29號)今仗又梅開二度。(Getty Images)
集多媒體分析、最強資料庫及第一手資訊於一身,即上《彩報》:
利華古遜超新星夏維斯又有搶鏡表現,呢名利物浦、曼聯同巴塞隆拿都吼到實嘅德國前鋒,代表利華作客慕遜加柏,於歐聯入場券爭奪戰梅開二度,帶領球會以3:1擊敗慕遜加柏,並從對方手上搶走3哥位置。
今輪德甲開賽前,各場賽事都有默哀儀式,悼念德國嘅新冠肺炎死難者。今場戴上隊長臂章嘅夏維斯,喺上半場7分鐘已經搵到慕遜加柏缺口,率先打開紀錄。
其實雙方今場互有攻守,慕遜加柏喺紙牌人球迷面前,一度憑「小杜林」馬古斯杜林於下半場扳平1:1。不過6分鐘後夏維斯主射12碼得手,係呢名20歲新星德甲重開後,連續2場梅開二度,再加上隊友施雲賓達81分鐘錦上添花,利華古遜作客以以3:1擊敗慕遜加柏。