多蒙特證葛斯離隊 投利物浦好事近
20200524
東網電視
更多新聞短片
集多媒體分析、最強資料庫及第一手資訊於一身，即上《彩報》：
多蒙特喺周六德甲出戰禾夫斯堡前證實，馬里奧葛斯喺今夏約滿後會離隊。
多蒙特體育總監索克表示，同葛斯坐低認真傾過，最終雙方同意結束合作。呢名27歲中場嘅合約喺6月30日完結，由於德甲已經重開，並且喺6月27日收咧，葛斯原則上可以為「蜜蜂兵團」踢到最後一場。
要數到葛斯嘅高峰期，當然係2011同2012年喺高普麾下稱霸德甲，而上月30日高普就曾經同一班舊戰友喺Zoom作視像敘舊，可見大家感情深厚。
葛斯之前曾經公開表示，高普喺青年軍提拔自己，係自己恩師，希望可以再同佢合作，擺明向利物浦送秋波。高普亦對呢名共事多年嘅舊部大表讚賞，加上葛斯可以免費轉會，對紅軍嚟講係百利而無一害。
不過，除咗紅軍之外，據聞羅馬、拉素同韋斯咸等，都對呢名下個月28歲生日嘅德國2014年世盃冠軍功臣好有興趣，且看葛斯情歸何處喇！