出20萬美金包養 俄羅斯跳遠女神咁樣答

2020年05月24日 08:00
東網電視
更多新聞短片
俄羅斯跳遠美女奇絲希娜(Darya Klishina)近日接受訪問時透露,半年前曾經收到一份邀請,希望自己能成為對方嘅「伴遊」,承諾每個月會有20萬美元(約155萬港元)收入,但被佢即時拒絕。
身高1米80嘅奇絲希娜擁有白哲皮膚及一頭金黃色頭髮,一向係網民嘅寵兒,IG擁有近32萬追隨者,半年前佢就喺IG收到一個完全唔識嘅人邀請,希望佢加入伴遊行業,仲向佢強調成為高級伴遊女郎嘅好處。奇絲希娜即時拒絕,但對方竟然死纏爛打:「你唔好咁快拒絕,你都未知我開咩條件,我可以畀好大筆錢,你每個月可以賺到20萬美元。」
1991年出生嘅奇絲希娜,16歲時就獲得世青賽女子跳遠冠軍,2016年里約奧運雖然禁止300多名俄羅斯運動員參賽,但就允許佢以個人名義參戰,因為她一直喺美國生活及訓練,而倫敦世錦賽獲得跳遠銀牌。不過,現時未知呢名索女可唔可以參加明年東京奧運。
支持本地運動員,一齊去「睇體」!
東網體育FB同你追實體壇每個精彩時刻!
Follow東網體育IG一齊撐本地運動員!