想返巴塞？尼馬整色整水有暗示

集多媒體分析、最強資料庫及第一手資訊於一身，即上《彩報》：

https://win.on.cc/football/video.html　

尼馬想返巴塞已經唔係秘密，呢位巴西球星近日更加喺自己的Twitter整咗一張P圖，將自己變身為《愛麗絲夢遊仙境》的主角，手裡面攬住波砵同足球，但頭上面嘅帽，好明顯就係巴塞嘅紅籃間，真係講到出晒面！

跟住一粒鐘之後，尼馬再喺社交平台上載咗一條巴塞時代嘅經典入球，當時喺對維拉利爾，佢攞波挑過對手再轉身抽射破網，條片再配合埋《愛麗絲夢遊仙境》嘅片段，明顯係有目的。

而巴塞主帥史坦恩日前亦承認，如果尼馬回歸佢會好開心：「我想終有一日能夠成為佢嘅教練。」史坦恩話：「好幸運我已經實現咗自己一個夢想，就係執教美斯，如果尼馬嚟埋，我哋就更高興。」尼馬3年前以史上最高轉會費2.22億歐元由巴塞加盟巴黎聖日耳門，雖然佢為球隊連續贏3位法甲冠軍，但一直都話佢好想返西甲，當年佢拍住美斯同蘇亞雷斯組成完美無敵嘅「MSN」組合。