曼城加入爭奪夏維斯　利華開出呢個價

集多媒體分析、最強資料庫及第一手資訊於一身，即上《彩報》：

https://win.on.cc/football/video.html　

利華古遜中場夏維斯喺德甲重開後，連續2場梅開二度，人氣急升，成為各大豪門爭奪目標，繼巴塞隆拿及利物浦之後，曼城都計劃用7000萬鎊收購呢位即將21歲嘅德國國腳，但利華古遜要求最少1億鎊，先至會放人。

夏維斯都知道自己成為轉會市場最炙手可熱人物，佢話：「我依家唔想講呢個問題，只希望專注今季賽事，跟住再睇下之後會發生咩事，我好感謝利華古遜，唔想畀任何事件破壞今個球季。」可見夏維斯並冇排除轉會可能性。

夏維斯踏入2020年後喺各項賽事上陣15場，射入11球及7次助攻，曼城領隊哥迪奧拿認為佢係大衞施華嘅最佳接班人，要求會方用7000萬鎊收購呢位新星，但同利華古遜要求嘅1億鎊轉會費仲有一段距離，加上有唔少豪門搶人，恐怕曼城要加碼，先至有可能成事。