咁都有人要？哈化柏林想簽卡利奧斯

集多媒體分析、最強資料庫及第一手資訊於一身，即上《彩報》：

https://win.on.cc/football/video.html　

利物浦「膠龍」卡利奧斯已提早結束喺比錫達斯嘅借用期，但紅軍又無意收回佢，令呢位26歲德國門將無處容身。英國《每日郵報》指德甲球隊哈化柏林趁機出手，有意簽入卡利奧斯。

哈化柏林同利物浦關係良好，兩年前已經試過向紅軍借用中場馬高古積，呢位塞爾維亞國腳表現唔錯，哈化柏林食過返尋味，今次想簽埋卡利奧斯。由於利物浦同卡利奧斯只剩下2年合約，轉會費唔會高，哈化今夏可能直接買斷佢。

卡利奧斯近2季被利物浦外借去比錫達斯，喺土超上陣55次，原本比錫達斯有意買斷佢，但雙方喺薪酬方面傾唔掂數，最終作罷。

卡利奧斯曾經效力緬恩斯5季，其後轉投利物浦，成為噩夢嘅開始，如果佢可以返回德甲搵食，或者有機會重生。