又係佢呀 德甲重開首個帽子戲法
20200525
東網電視
更多新聞短片
迪姆華拿上演帽子戲法
集多媒體分析、最強資料庫及第一手資訊於一身，即上《彩報》：
近期經常提及嘅利物浦斟介目標迪姆華拿，周日(24日)在德甲賽場發威。RB萊比錫作客緬恩斯大勝5比0，迪姆華拿個人連中三元，成為德甲重開後首位上演帽子戲法球員。
萊比錫在重開首仗主場僅賽和弗賴堡，嚟到今仗對住實力較弱嘅緬恩斯，終於大勝1場出番口氣，萊比錫雖然作客，但全場16射8中，攻勢浪接浪，緬恩斯全場僅得3射1中，只能捱打，萊比錫贏得合理。
迪姆華拿開賽11分鐘開紀錄，揭開大勝序幕，23分鐘尤素夫保臣擴大比數，36分鐘沙比薩射成3比0完半場；下半場萊比錫繼續搶攻，迪姆華拿於48分鐘攻入個人第2球，62分鐘奇雲甘保爾破網，但因越位在先被判詐胡，75分鐘迪姆華拿再建一功，繼首循環對緬恩斯後再度個人連中三元，協助萊比錫大勝5比0完場。
迪姆華拿追平球王美斯，在今季歐洲5大聯賽上演最多帽子戲法(3次)球員，亦係德甲21年來首位球員，在對同一對手2循環都能連中三元，呢位德國射手咁犀利，利物浦會唔會快啲斟佢番去呢？