德甲護級隊寸到盡　贏波再幫對方改隊名

集多媒體分析、最強資料庫及第一手資訊於一身，即上《彩報》：

https://win.on.cc/football/video.html　

周日德甲史浩克04主場迎戰護級球隊奧格斯堡，賽果出人意表，作客嘅奧格斯堡竟然大勝3比0，客軍贏波後不但護級壓力減輕，佢哋官方社交網仲寸到盡，幫史浩克04改名做史浩克03，以慶祝己隊贏3比0。

奧格斯堡排德甲中下游，作客成績排尾2，今場作客勝仗係佢哋今季作客第3場贏波，亦係贏波距離最大1場，可能因為咁搞到佢哋小編過度興奮，結果贏完史浩克04之後仲要寸到盡，幫對方改埋隊名。

球會社交網高調祝捷，但奧格斯堡主帥靴列治就話要低調，事關嚟緊德甲要開周中快車，冇時間畀佢哋慶祝。順帶一提，靴列治喺德甲重開前違反隔離令，走到附近超市買牙膏，因此罰停賽1場，今場先至係佢德甲重開後首場領軍賽事。