球證唔畀面 德甲主勝率低到嚇死人

20200525
東網電視
更多新聞短片
集多媒體分析、最強資料庫及第一手資訊於一身,即上《彩報》:
德甲重開後要閉門舉行,復賽首輪9場比賽只得1支主隊贏波,估唔到呢個「主場頹勢」去到復賽第2輪仍然持續!最近一輪德甲只有拜仁慕尼黑同哈化柏林可以主場奏凱,9支主場球隊只有2勝2和5負成績,比起復賽首輪1勝3和5負只係微微改善,就算慕遜加柏出到萬幾個「膠板觀眾」造勢,一樣要輸波收場。據Opta統計顯示,德甲呢兩輪閉門比賽主勝率只有16.7%,遠遠低於聯暫暫停前嘅43.3%主勝率,而且閉門作賽後呢3場「主勝」球隊,有兩場係由班霸拜仁慕尼黑同多蒙特取得。
另一樣有趣統計係,以往球證經常會喺主場球迷壓力下,判決傾向對主隊有利,不過最近呢2輪德甲,主隊一共被罰33張黃牌同1張紅牌,而客隊只有29張黃牌同1張紅牌,12碼方面主隊有1個,而客隊就獲得3次12碼機會,似乎冇咗球迷入場,球證對住主隊都冇面畀喎!