暗黑兵法 屈福特為護級注射病毒
20200526
東網電視
更多新聞短片
屈福特唔想比賽, 無所不用其極
集多媒體分析、最強資料庫及第一手資訊於一身，即上《彩報》：
英超上周恢復操練，為重開備戰，然而屈福特喺度搞對抗，佢哋係最多職球員感染新冠肺炎病毒嘅球隊，以隊長迪尼為首嘅個別球員亦拒絕訓練，表明唔會上陣，比利時後衞基斯甸卡巴些利同網民罵戰時，更發晦氣話球隊有人故意注射病毒，就係要阻止復賽，令球隊避免降班。
早前英超首次大型檢測，共有6人中招，屈福特就有3人，而隊長迪尼則索性發起罷操罷賽，以免感染病毒禍及全家，亦因為咁，屈福特復操時係最多人缺陣嘅球隊，有網友質疑佢哋排聯賽尾4所以唔想復賽，以避免降班。
基斯甸卡巴些利在個人社交網留言，諷刺網友質疑：「等我解釋一下，策略係咁嘅：我哋每星期注射一次病毒，令球員及員工感染，以確保我哋唔使比賽，避免降班。」
屈福特班友咁賴皮，阻礙復賽，英超賽會可以點做？