亞視永恒!岩布仙尼43歲生日玩自抽

20200530
東網電視
更多新聞短片
集多媒體分析、最強資料庫及第一手資訊於一身,即上《彩報》:
意大利名宿岩布仙尼喺5月29日度過43歲生日,佢拎住蛋糕同家人合照放上社交網,最大亮點係佢竟然Hashtag咗Happy Birthday to Me,似乎仲未忘記16年前喺亞視唱生日歌嘅陰影。
岩布仙尼喺社交網上話囝囝Alessandro剛出世,跟住係自己生日,感覺太美妙。有眼利球迷發現佢加上#happybirthdaytome,亦有香港球迷留言贈興,祝佢同亞視都生日快樂。
2004年5月29日嘅亞洲電視台慶晚宴,電視台請到當時訪港嘅AC米蘭球員出席,期間主持朱慧珊行去訪問球員,行到岩布仙尼身邊,話佢同亞視都係同一日誕生,要佢唱番首生日歌慶祝一下。
結果出現岩布仙尼自己唱生日歌「Happy Birthday to Me」經典一幕,時至今日都令人尷尬到唔敢睇。
16年之後,仍然有好多球迷記得呢一幕,幾乎每逢岩布仙尼生日,都有人喺佢社交網Hashtag番Happy Birthday to Me,就好似亞視永遠都存在。