用經歷引起大眾關注 張煒琪闖出我天地

20200601
東網電視
更多新聞短片
(相片由追夢女足-張煒琪Fb提供)
正所謂「學海無涯」,曾先後「外流」日本及澳洲兩地,期間更曾奪得澳職聯賽常規賽冠軍的港隊女足代表張煒琪,仍然渴望能夠再有更多出外學習或見識的機會,不過無論她能否再度外闖也好,「煒琪」更加希望的,是本地女足繼早前劉蕊澄、秦正行及鍾貝琪後,繼續有更多球員出外圓夢的故事出現,令香港女足引來大眾更多關注之餘,球員亦可將吸收到的經驗和知識帶回香港。
圖/文:何彥霆
澳職奪冠更懷念日乙時光
曾在兩年前協助布里斯班獅吼贏得澳職常規賽冠軍的張煒琪,坦言這個職業聯賽冠軍得來不易,但「煒琪」認為在日本跟陳詠詩與劉夢瓊一起出戰日乙聯賽的時光,過得更為充實︰「喺日本一日練兩個鐘,初時頭兩日都覺得好劇烈,過咗一個禮拜隻腳會覺得酸痛同恢復唔到,但之後個個禮拜都係咁就開始適應。」
「煒琪」再謂:「相比之下,我覺得兩邊都差唔多,因為喺日本球員嘅付出係多啲,喺澳洲反而冇日本咁辛苦,可能時間表寫住練兩個半鐘,但實質上可能練一個鐘多少少,練習內容對我嚟講係比較實淨啲,只係練習嘅嘢會不斷重複,相比下我覺得喺日本所學到嘅嘢係多啲同比較新鮮。不過調番轉嚟諗,基本功固然重要,只係自己可能貪心啲想學多啲嘢啦!」
將訓練及溝通模式帶回港
在台灣及日本等地的女足聯賽均逐漸趨向職業化下,球員外流或試腳的體驗和待遇,收穫只會更加豐富,對於仍期望出外學法的「煒琪」而言,球員決定外流的決心,比個人經濟能力的考驗更大,亦希望未來繼續有更多外流兵,可以將她們的經驗分享給更多球員︰「始終外流要一段時間放低喺香港嘅所有嘢,譬如屋企人同朋友等等,反而金錢上係咪可以選擇喺嗰度邊做邊踢,我覺得係平衡到。依家多咗球員外流,我會覺得係好事。之前『阿K』(鍾貝琪)返咗嚟,我都有問佢喺嗰邊嘅情況。我都希望多啲人出去外國踢波,到返到嚟都可以將學到嘅一啲訓練或者溝通模式帶嚟香港。」
教導小學生最緊要溝通
張煒琪現時跟公民隊友韋婉婷一起擔任足球教練,教授不同年齡層的學生,而「煒琪」所教授的對象則為約6至12歲,她笑言已掌握了跟小朋友溝通的技巧︰「小學3、4年級嘅年齡層會比較單純啲,會容易溝通啲,依家教緊支小學嘅女子隊,佢哋會明白我嘅要求係乜,佢哋做到的話我會讚同獎勵。不過當我唔出聲嘅時候,佢哋自然會知道自己有嘢做得唔好,大家都會明白對方諗乜,就好似做朋友咁樣去交流,佢哋會知道幾時係玩,幾時要認真。」
張煒琪 Profile
出生日期:1990年11月22日
身高:1米80 位置:前鋒
曾效力球隊:日本足球學院
布里斯班獅吼
現效力球隊:公民 球衣號碼:7