【有片】英超返嚟啦！阿仙奴熱身賽贏6粒
20200607
東網電視
更多新聞短片
集多媒體分析、最強資料庫及第一手資訊於一身，即上《彩報》：
終於有英超球隊比賽睇啦！隨住聯賽會批准球會進行熱身賽，阿仙奴周日(7號)凌晨率先喺酋長球場迎戰英冠球隊查爾頓，結果奧巴美揚、拿卡錫迪各入1粒，加上小將尼基迪亞連中三元同祖爾韋洛克入波，輕輕鬆鬆大勝6比0，為復賽首仗作客曼城打下強心針。
領隊阿迪達曾經確診嘅阿仙奴，係英超第1隊進入停擺球隊，對上一場比賽正正就係3個月前。「兵工廠」今仗上、下半場排出兩套唔同陣容，奧斯爾、奧巴美揚同拿卡錫迪都正選披甲，拿卡錫迪同奧巴美揚亦各入一球，下半場尼基迪亞更加頭頂腳踢連入3球，祖爾韋洛克喺尾段射入世界波埋齋。
英超下個星期重開，聯賽會日前公布最新一輪(第6輪)新冠肺炎病毒檢測結果，1,195個樣本全部都呈陰性，近3輪檢測內第2次出現「0確診」，對就快復賽嘅英超無疑係極大鼓舞。總計英超6輪測試入面，6,274個樣本入面只有13個陽性個案。