快啲過嚟呀～沙拿請入油呀！

集多媒體分析、最強資料庫及第一手資訊於一身，即上《彩報》：

https://win.on.cc/football/video.html　

正所謂「人逢喜事精神爽」，英超就嚟重開，意味住利物浦離首次舉起英超獎盃有近一步，紅軍球星穆罕默德沙拿心情當然靚爆，日前佢着住利物浦訓練球衣出現喺一個油站，畀好多利迷「野生捕獲」，啲相仲喺網上瘋傳。

話說沙拿現身利物浦Old Swan區一個油站，而佢著住利物浦訓練衣衫，當然好容易就畀人認出，當地利迷能夠「野生捕獲」偶像梗係高興，唔單止咁，據報呢名埃及前鋒代所有在場入油人士埋單，夠晒豪氣。

其實沙拿一向熱心公益、慷慨解囊，喺疫情期間就曾向埃及家鄉Nagrig，捐贈咗價值40.5萬鎊(約400萬港元)物資，幫助鄉里度過難關。