C朗怪Look被隊友圍剿　想玩邊科?

即上英超刨績王：https://win.on.cc/football/league/epl/rank.html　

祖雲達斯日前大勝萊切，C朗又助攻又入波相當Happy，一向都鍾意玩社交網嘅佢就po咗一張佢自己嘅新look相片，隨即引起網絡笑聲。

一向都係潮流達人嘅C朗，今次呢個Look真係夠搶鏡，佢着住大大個花圖案嘅名牌夏威夷恤再配板仔短褲，戴埋眼鏡，仲寫咗句：「周末開始，感覺極爽，造型極正。」真係睇完都呆咗兩秒，可知佢呢套配搭出自時裝名牌，價值接近1萬2千港紙，最重要係即惹嚟熱議，佢嘅隊友更加留言取笑。

邦路斯即留言整咗三個掩面嘅emoji再加一句「難以置信」，前隊友貝拿迪亞亦有回應：「來吧，兄弟！呢個係好風格？我唔知。」潮流嘅嘢，各花入各眼啦！