屈福特臨時抽起3違規球員　搞到輸波

即上英超刨績王：https://win.on.cc/football/league/epl/rank.html　

處於護級邊緣嘅屈福特，周日主場1比3不敵修咸頓，今仗佢哋3個主力安達格雷、杜明高斯昆拿同埋查洛巴，均未被列入上陣名單，事後球會證實佢哋臨時被抽起，原因係3人賽前違反限聚令，為所有人健康着想被迫踢走佢哋，代價就係聯賽3分。

屈福特證實，上述3名球員被剔出大軍名單，係為咗所有職球員健康與安全着想，英國《鏡報》報道，安達格雷在社交網上載多張上周五慶祝29歲生日照片，與大批友人聚會，而佢死黨杜明高斯昆拿亦喺社交網上載影片，喺安達格雷個花園踢波。

安達格雷、杜明高斯昆拿同埋查洛巴，都有違反政府隔離令嘅嫌疑，屈福特發表聲明，表示會進行調查，並與相關球員會面。

屈福特今仗輸波後，以32戰得28分排16位，僅比17位嘅般尼茅夫多1分但多踢1場，護級形勢咁危急，3名球員仲要咁唔生性，萬一降班就唔抵可憐。