曼聯夢碎 世少冠軍隊長約滿離隊

2020年06月30日 00:01
東網電視
更多新聞短片
世少盃冠軍隊長安祖高美斯即將離開曼聯
一度被視為曼聯未來巨星嘅英格蘭世少盃冠軍隊長安祖高美斯,加盟4個球季以來甚少上陣,其合約將於周二(30日)結束,曼聯會方未有延長合約舉動,這位19歲天才即將結束紅魔生涯,來季另覓發展。
2000年出生嘅安祖高美斯,可選擇代表英格蘭、葡萄牙及安哥拉3個國家,而佢揀咗英格蘭,仲係U16至U20嘅必然成員,並擔任隊長,同時由於佢喺曼聯青訓出身,一隊好快就同佢簽職業合約,提拔佢上一隊。
安祖高美斯喺國家梯隊表現出色,以隊長身份帶領英格蘭奪得U17世少盃冠軍,亦係曼聯1953年以來最年輕上陣球員,佢喺2017年5月對水晶宮上陣,以16歲263日打破朗尼保持嘅舊紀錄,亦係英超首位2000年出生嘅上陣球員。
不過4季以來,安祖高美斯僅在英超上陣5場,連同其他賽事,4季僅亮相10場,雖然曼聯好想捧佢做巨星,但似乎捧唔起,英國《天空體育》報道,安祖高美斯同曼聯合約於周二到期,領隊蘇斯克查表示:「未聽聞球會打算這幾天同佢見面,達成什麼協議。」安祖高美斯嘅紅魔之旅,至此結束。