曼聯中場撐祖高域　唔駛同啲鼠輩道歉

即上韓職刨績王：https://win.on.cc/football/league/kd1/rank.html　

網壇世界一哥祖高域早前搞慈善賽，引發多人確診的「網球群組」，成為眾矢之的，被外界鬧爆，曼聯中場尼曼查馬迪再次聲援維護這位同胞。

尼曼查馬迪早前已曾高調力撐祖高域，並表示表現賽的組織水平很高，更叫祖高域沒必要向無故批評的「鼠輩」道歉。周一這位紅魔名將接受訪問時再表示：「大家要明白塞爾維亞嘅情況比英國好，國家批准人民做佢哋想做嘅嘢，如去食店或行街睇戲。因為早前佢哋已經被封閉咗三個月，完全唔畀離開屋企，同英國好唔同。」

因尼曼查馬迪認為祖高域在這個情況下舉辦賽事無問題，而且之前已有人辦過一場有2萬名觀眾的賽，「我想講佢辦賽事無咩唔啱，佢只係想幫球手，我睇唔到佢有咩做錯。」

繼保加利亞網球名將迪米杜夫成為網球慈善賽首個確診者後，先後有至少9人包括祖高域夫婦都「中招」，引發成「網球群組」。據塞爾維亞媒體消息指，祖高域夫婦目前狀態良好，並會在7月7日即家居隔離的14天後再次接受病毒檢測。