高普公開轉會計劃　畀一個難題考起

即上韓職刨績王：https://win.on.cc/football/league/kd1/rank.html　

利物浦成為英超冠軍後，日前復操舉行一個小小慶祝儀式，球員以兩人一組拉起「19/20英超冠軍」橫額大合照，領隊高普開心完後亦要為之後嘅路部署，而且首次公開利物浦今個夏天嘅轉會策略，高普暗示「紅軍」唔會有大收購，意味基利安麥巴比、查頓辛祖等利迷「夢想」暫時可能唔會實現。

高普開宗明義表示：「呢個陣容唔需要大轉變，作為一個球迷，即使你好滿意依家班球員，都會想買邊個同邊個嘅替補，不過利物浦從來唔會為使錢而使錢。我哋當然希望令球隊實力再加強，但係最大難題係，球隊本身已經好強，點樣可以再加強呢？使錢當然係一個方法，但只係靠錢並唔足夠，更需要嘅係創意，我哋更加想由內部加強，所有球員都可以進步，有3、4個球員有空間大大提升戰鬥力，我相信利物浦今個夏天轉會窗唔會太忙碌。」