港超聯　吓！特事特辦未必係堅？

雖然在上一次董事會後，足總總幹事袁文川「拍晒心口」表示，獲國際足協特事特辦，讓「新簽球員」可以在2019至2020年度球季的復賽上陣。但在周二（30日）的港超聯會上，有球會提出經法律事務委員會主席程明裕律師審視相關文件後，認為FIFA並未有明確表示「可以踢」，故希望足總再向FIFA尋求清晰的指示。

香港飛馬、理文、富力R&F、冠忠南區、標準流浪和傑志6間港超球會，以及新季初戰港超聯的晉峰，周二出席假足總舉行的港超聯會。會上除就新季「註6出5」的外援額表決外（見另文），大部分時間都集中討論「特事特辧」。

會後，傑志會長伍健應港超聯會主席黃良栢之邀，向在場傳媒交代會議內容，他說：「坦白講，我哋都好想FIFA真係有特事特辦，畀新簽球員可以喺復賽上陣。但實際情況係畀法律事務委員會睇過，相關文件又真係冇講到新簽球員可以踢復賽。反而係強調一旦球隊唔夠球員踢復賽，就提旗下升青年軍或者預備組去解決。所以我哋咁多間球會嘅要求好簡單，就係希望向FIFA攞一個最簡單嘅回覆，踢得定唔踢得。」

「我重申我哋都好想係有特事特辦，但香港只係FIFA其中一個好細嘅成員，睇唔到有咩理由會畀港超聯特事特辦。」伍健表示。

另外，伍健亦提到會上一致同意，未舉行的3項盃賽決賽，將沿用一直以來的章則，就是在同一盃賽中，之前曾為其他球隊上陣的球員，轉會後不得再在同一盃賽披甲，以維持賽事競技的公平性。