攣毛C朗今晚一「髮」不可收拾

即上英超刨績王：https://win.on.cc/football/league/epl/rank.html　

C朗拿度呢排不停玩新look，繼日前着咗套超搶鏡嘅「大花」夏威夷衫示人之後，近日就坃鬈髮，同隊友古亞達度非常相似，似足兩兄弟。

祖雲達斯啱啱喺聯賽大勝，喺意甲領先好有機會捧走冠軍。當中又助攻又入波嘅C朗，心情靚當然要再提升自己個Look，佢喺自己嘅個人社交平台上載了一幅與古亞達度嘅自拍照，佢嘅新髪型都算搶眼，但最搞笑同旁邊嘅隊友似足9成，佢自己都話：「大家對於呢個同我兄弟Panita 相似嘅造型，點睇？」大批粉絲同佢嘅隊友留言，睇嚟反映都唔錯。

早幾日C朗擺咗張自己着住套價值1250鎊嘅名牌夏威夷恤加短褲look，劣評如潮，更被隊友取笑；睇嚟轉咗新髮型嘅C朗心情極靚，今晚狀態十足，在凌晨3點45分跟熱拿亞嘅比賽梗係要爭取「士哥」啦。