睇完曼聯被激發 堅尼復出教阿塞拜疆?

2020年06月30日 22:13
東網電視
更多新聞短片
堅尼復出教波?
曼聯名宿堅尼自從喺2018年辭任愛爾蘭國家隊助教一職之後,就擔任電視媒體fiery TV 嘅足球節目主持,佢大膽言論令佢備受關注,最熱門唔可以唔提佢喺曼聯1比1逼和熱刺嘅英超比賽之後,大插曼聯後衛哈利馬古尼同門將迪基亞,仲話如果佢係教練直情唔會比佢哋隨隊上巴士,睇嚟依場波激發返佢做教練嘅決心。
唔知係咪因為咁,阿塞拜疆足總希望堅尼可以「重出江湖」,帶領阿塞拜疆喺歐洲國家聯賽會(歐國聯)爭取好成績,雖然條件非常吸引,不過之前執教過新特蘭同葉士域治嘅堅尼都話要諗諗,佢話:「自己想確保下一份工作係最適合自己!」
雖然阿塞拜疆視堅尼為執教首選,不過足總希望堅尼可以喺48小時內決定好。阿塞拜疆喺歐國聯被安排入C組,同組將會有塞浦路斯、盧森堡同黑山。首階段將會喺9至11月舉行,首名球隊可以升班。