曼聯傳奇射手受怪病困擾　可能得番1年命

即上英超刨績王：https://win.on.cc/football/league/epl/rank.html　

曼聯傳奇射手高爾自從2017年接受腎臟移植手術之後，身體健康狀況不斷轉差，呢位48歲前英格蘭國腳近日透露，擔心自己過唔到50歲生日。

高爾接受英國傳媒訪問時，表示因為新冠肺炎大爆發，自己1個人生活，足足有8星期冇出門，直至上星期先至有女兒去探望佢：「我個女來陪我，係我近9星期第1次同人接觸，當時阿女話許咗個願望，就係要爸爸勇敢活下去。」

高爾仲話自己同女兒講過，如果可以活到50歲，已經好開心，依家最擔心會出現腎衰竭，佢話：「如果有1日我醒來發現自己腎衰竭，我仲可以再承受多1次手術嗎？仲捱得過嗎？」

高爾球員時代曾經效力紐卡素、曼聯、曼城等多支球隊，最威水係效力曼聯期間5次捧英超冠軍，包括1999年成為三冠王，佢同約基被稱為「黑風雙煞」，成為曼聯經典鋒線組合。