曼城簽入祖記18歲新星!做阿古路接班人

2020年07月01日 17:02
東網電視
更多新聞短片
曼城宣布今夏第1簽,以900萬鎊收購咗祖雲達斯嘅18歲前鋒保羅摩蘭奴,並同呢位西班牙小國腳簽約4年,領隊哥迪奧拿似乎有意將呢位同胞打造成阿古路接班人。
保羅摩蘭奴出身於巴塞隆拿青訓系統,可以勝任前鋒及進攻中場,佢踢巴塞青年軍5年期間,射入超過200球,一度被睇好會成為「新美斯」。
不過,保羅摩蘭奴2年前轉投祖雲達斯,過去2季主要為祖雲達斯U23比賽,上年3月意甲,祖雲達斯對熱拿亞,保羅摩蘭奴更加有份入選一隊大軍名單。
據悉,曼城簽入保羅摩蘭奴之後,會將佢外借去曼城「姐妹球會」西乙基羅納,吸收比賽經驗,將來或者可以接替32歲阿古路嘅位置。