非國盃延期1年開波　3大賽事塞爆2022年

即上韓職刨績王：https://win.on.cc/football/league/kd1/rank.html　

非洲足協宣布，原定於2021年1月喺喀麥隆舉行嘅非洲國家盃將會延期1年至2022年1月開波，根據《法國足球》報道，賽會因為後勤、行程等因素，而作出今次改期決定。

非洲國家盃以往都係2年一度，上年決賽由曼城中場馬列斯做隊長嘅阿爾及利亞，以1比0擊敗有利物浦球星沙迪奧文尼助陣嘅塞內加爾，奪得冠軍。延期之後，阿爾及利亞要再等多1年，先至有機會衞冕。

新冠肺炎大爆發之下，原本2021年由中國主辦嘅「新版」世冠盃已經改於2022年舉行，加上由卡塔爾主辦嘅2022年世界盃決賽周，意味3項大賽將於同1年舉行，球迷多波睇，睇梗開心，但球員真係踢到殘。